Espazo de coworking localizado no Concello de Oleiros, especializado nos sectores de Arquitectura, Urbanismo e Empresas de Base Tecnolóxica.
Introdución
O coworking xorde como unha alternativa innovadora para profesionais independentes, persoas emprendedoras e empresas que buscan un espazo de traballo colaborativo e flexible.
Neste artigo falamos de que é o coworking e algúns dos tipos que existen, das súas vantaxas e beneficios e dalgúns consellos para aproveitar ao máximo a experiencia e o seu impacto no futuro do traballo.
Recordemos que é o coworking
O coworking é o concepto de compartir un espazo de traballo con outras persoas profesionais. Estes espazos ofrecen unha alternativa á oficina tradicional, fomentando a colaboración, a comunidade e a flexibilidade laboral.
Este concepto xurdiu a mediados dos anos 2.000 como resposta á necesidade dun ambiente de traballo máis dinámico e colaborativo. O primeiro espazo oficial de coworking estableceuse en San Francisco, marcando o inicio dunha tendencia global.
Tipos de espazos de coworking
Existen varios tipos de espazos de coworking, dende oficinas compartidas ata centros especializados en industrias específicas. Estes espazos ofrecen unha ampla gama de equipamentos e servizos para satisfacer as necesidades das diferentes persoas profesionais e empresas.
Algúns dos tipos de coworking que existen son os seguintes:
- Coworking sectorial e multisectorial: diferéncianse segundo o tipo de perfil profesional que se reúne. O sectorial reúne un tipo de profesionais en concreto e está orientado a un campo determinado; mentras que o multisectorial acepta a calquera persoa profesional sen ter en conta a rama á que pertenza.
- Pop up coworking: son espazos esporádicos que teñen unha finalidade concreta ou atenden a un proxecto definido. Soen contar con datas de inicio e fin establecidas.
- Coworking aberto e semiaberto: os abertos son os que dispoñen da maior parte da zona como área común, mentras que os semiabertos dispoñen de salas ou oficinas ás que só poden acceder determinadas persoas.
- Coworking fixo: é moi utilizado por pequenas empresas ou pemes. Dase nos casos nos que a persoa coworker decide alugar un posto fixo, xa sea unha oficina, sala, etc.
- Coworking nómada: son as persoas traballadoras que van rotando de centro de traballo ou espazo coworking. Traballan á vez que se van movendo por diferentes lugares.
- Coworking nocturno: é o menos común e está destinado ás persoas traballadoras que realizan as súas labores pola noite e necesitan un lugar para levar a cabo o traballo.
Vantaxes do coworking
Algunhas das vantaxes á hora de decidirse por traballar nun coworking son as seguintes:
Flexibilidade laboral
Traballar nun espazo de coworking ofrece a flexibilidade para establecer o teu propio horario e adaptar o teu ambiente de traballo ás túas necesidades. Esta liberdade promove a productividade e conciliación da vida laboral e familiar.
Ambiente colaborativo
Os espazos de coworking fomentan un ambiente de colaboración e apoio mutuo entre as demais persoas coworkers, que pode xerar novas ideas, proxectos conxuntos e un sentido de comunidade no ambiente de traballo.
Aforro de custos
Optar por un espazo de coworking pode ser máis barato que alugar unha oficina tradicional, xa que os gastos son compartidos entre as demais persoas socias. Ademais, evítanse custos adicionais como manter o seu propio espazo.
Espazo propio
Os espazos de coworking ofrecen un lugar de traballo propio que motiva á persoa traballadora e lle fai ser máis productiva.
Beneficios do coworking
Seguindo co punto anterior das vantaxes, traballar nun coworking tamén ofrece unha serie de beneficios. Comentamos algúns deles:
Rede con compañeiros e compañeiras de traballo
Ao traballar nun espazo de coworking, tes a oportunidade de conectarte cunha variedade de compañeiros e compañeiras de traballo, o que amplía a túa rede profesional e ofréceche a oportunidade de atopar persoas colaboradoras, socias ou clientela potencial.
Acceso a eventos e actividades
Os espazos de coworking adoitan organizar diversos eventos, obradoiros e actividades que ofrecen oportunidades de aprendizaxe, traballo en rede e desenvolvemento profesional, enriquecendo a experiencia laboral dos membros.
Potencia o espírito emprendedor
A contorna emprendedora e creativa dos espazos de coworking pode inspirar e motivar a aquelas persoas que buscan iniciar un novo proxecto ou desenvolver a súa empresa, ofrecendo un entorno propicio para o crecemento empresarial.
Consellos para aproveitar o coworking
É moi importante nutrirse da experiencia de traballar nun espazo de coworking. Aquí dámosvos algúns consellos para aproveitar ao máximo esta experiencia.
Establece obxectivos claros
Antes de comezar a traballar nun espazo de coworking, é importante definir os teus obxectivos profesionais e persoais para sacar o máximo proveito da experiencia. Isto axudarache a centrarte e aproveitar ao máximo a comunidade e os recursos dispoñibles.
Involúcrate na comunidade de coworking
Participar activamente na comunidade de coworking, interactuar con outros compañeiros e outras compañeiras de traballo e contribuír ao ambiente colaborativo axudará a fortalecer as túas conexións profesionais e persoais.
Organiza e participa en eventos e actividades para a comunidade
Contribuír ao espazo de coworking organizando e asistindo a eventos ou actividades que beneficien á comunidade pode ser unha forma eficaz de crear un impacto positivo e demostrar as túas habilidades e coñecementos.
Personaliza o teu espazo de traballo
É importante personalizar a túa área de traballo para que se adapte ás túas necesidades e comodidades. Agregar elementos decorativos que reflexen a túa personalidade axuda a aumentar a motivación.
Organiza o teu tempo
A xestión do tempo é clave para manterse e sentirse unha persoa productiva. Establecer metas diarias ou semanais e seguir un horario axudarache a manter o enfoque e aproveitar ao máximo as horas de traballo.
Conclusión
En conclusión, o coworking está a dar forma ao futuro do traballo redefinindo a forma en que as persoas e as empresas pensan sobre o ambiente laboral, promovendo a creatividade, a flexibilidade e a colaboración.
No contexto laboral actual, o coworking converteuse nunha solución atractiva para profesionais e empresas que buscan un ambiente de traballo inspirador, flexible e adaptable ás necesidades cambiantes do mercado.
Os espazos de coworking seguen evolucionando para adaptarse ás demandas e preferencias das persoas traballadoras modernas, ofrecendo unha ampla gama de opcións para mellorar a experiencia de coworking.